चल्या रैछ हिजो आज जुधाउने खेल
भाइभाइको सम्बन्ध फुटाउने खेल
छिमेकीको प्रलोभमा कति दिन फस्छौ?
आऊ मिलि खेलौ उसलाई कुटाउने खेल
दक्ष छु, म इलम गर्छु भन्दा रिन नपाउने
सरकार बिरुद्द अविस्वास दिन नपाउने
प्रधानमन्त्री र राष्ट्रपति जनताकै हुन् भने
छान्ने अधिकार चै जनताले किन नपाउने ?
नेताहरुको बिवेकमा आज धमिरा लाग्या छ
तन्त्रहरुकै आडमा तिनलाई खाडो जाग्या छ
राष्ट्रियताको मन्त्र जपि कति ध्यान गर्छौ तिमी
सिमानाका जंगे पिल्लर नाप कति भाग्या छ ?