तीन मुक्तक - २
सत्ता सधै पक्षमा होस् किन ठान्छ मान्छे ?
कुर्सी देख्नै हुन्न, बस्न किन जान्छ मान्छे ?
सिन्को भाच्ने हैन आखिर कार्यकाल भरि
आफैलाई सर्वे सर्वा किन मान्छ मान्छे ?
चाकडीको तेल मालिस् घस्न जानिएन
पौडिएरै माथि माथि बस्न जानिएन
निश्वार्थ सेवा गर्ने हो, जिम्मेवारी पाए
स्वार्थी भइ साथीभाइ डस्न जानिएन ।
ज्यू हजुरी चल्या रहिछ कुरा बुझ साथी
प्रतिज्ञा नै गर्या रहिछ कुरा बुझ साथी
मुल्यांकन केहि हुन्न मन नपरे पछी
समयको खेल रहिछ कुरा बुझ साथी ।
Posted on 2016-05-15