संबिधान जन्माउँदा जनता कति मरे हजुर ।
आठ बर्ष रजाइ गर्दा गोजी कति भरे हजुर ।।
चुनाबमा त देखेकै हो मर्लान जस्तै थिए नेता ।
ड्याम्म भूँडी लगाएछन् बेमान कति गरे हजुर ।।
संक्रमणकाल फलदायी भ्रष्टाचार मौलाउन ।
हिसाब छैन ढुकुटीको, लुट्ने कति परे हजुर ।।
जनताको आफ्नै कानून बहुमतले बनाए रे ।
अल्पमतले छिमेकीको बिस्कुन कति चरे हजुर ।।
मधेस ठप्प पार्ने गरि कस्तो कानून बनेछ त ।
रोजी रोटी जोहो गर्दै बसाइ कति सरे हजुर ।।
५ पाैष २०७२